چترال اور گردونواح میں آج صبح زلزلے کے جھٹکے محسوس کئے گئے۔ زلزلہ پیما مرکز کے مطابق زلزلے کا مرکز کوہ ہندو کش ریجن میں تھا اور زلزلہ چھہتر کلومیٹر گہرائی سے آیا۔ ریکٹر اسکیل پر زلزلے کی شدت چار اعشاریہ چھ محسوس کی گئی۔ زلزلے کے جھنٹکے محسوس ہوتے ہیں شہریوں میں خوف وہراس پھیل گیا اور شہری کلمہ طیبہ کا ورد کرتے ہوئے گھروں سے باہر نکل آئے۔ کوہ ہندو کش ریجن سے گزشتہ روز بھی تین اعشاریہ نو شدت کا زلزلے آیا تھا جس کی گہرائی اٹھاسی کلومیٹر تھی۔