مدینہ کالونی پولیس نے لوٹ مار کرنے والے 3ڈاکوﺅں کو گرفتار کرکے اسلحہ برآمدکرلیا

کراچی( اسٹاف رپورٹر) بلدیہ ٹاﺅن کے علاقے مدینہ کالونی پولیس نے روبی موڑ،24 مارکیٹ میں موبائل فون کمپنی کے فرنچائز پر لوٹ مار کرنے والے 3 ڈاکوﺅں کو رنگے ہاتھوں گرفتار کرلیا۔ مدینہ کالونی کے ایس ایچ او امتیاز تنولی کے مطابق گشت کے دوران انہیں اطلاع ملی کہ ڈاکو24 مارکیٹ میں لوٹ مار کررہے ہیں ۔ موقع پرپہنچ کر پولیس نے تین ڈاکوﺅں اشرف، اللہ رکھا اور شاکر کو فرار ہوتے ہوئے پکڑ لیا ۔ ڈاکوﺅںکے قبضے سے لوٹی ہوئی رقم 40 ہزار روپے ، تین پستول اور ایک خنجر برآمد کرلیا۔ دریں اثناءمدینہ کالونی کے سماجی اور عوامی حلقوں نے جرائم پیشہ عناصر کے خلاف مدینہ کالونی پولیس کی کارروائی کا خیر مقدم کیا ہے۔
مدینہ کالونی/لوٹ مار