پاکستان ہمارا سرمایہ، سب کو ترقی میں حصہ ڈالنا ہے: ائر چیف

اسلام آباد (ایجنسیاں) پاک فضائیہ کے سربراہ ایئرچیف مارشل سہیل امان نے کہا ہے کہ پاکستان ہمارا سرمایہ ہے،پاکستان کی ترقی میں ہم سب کو اپنا حصہ ڈالنا ہے، طلباء طالبات اپنے فرائض پورے خلوص سے انجام دیں، مستقبل کے چیلنجز کا مقالبہ کرنے کیلئے طلباء متعلقہ شعبوں میں مہارت بڑھائیں۔ ہفتہ کو ائیر یونیورسٹی کی چھٹی تقسیم اسناد کی تقریب سے خطاب کرتے ہوئے سہیل امان نے کہا کہ پاک فضائیہ ایئر یونیورسٹی کی بھرپور معاونت، قومی تعمیر میںخ اپنا بھرپور کردار جاری رکھے گی۔ ائیرچیف نے نمایاں کارکردگی کا مظاہرہ کرنے والوں میں طلائی تمغے اور اسناد تقسیم کیں۔ ائیر یونیورسٹی میں اس سال الیکٹریکل انجینئر نگ اور انگریزی زبان و ادب کے شعبہ جات میں پی ایچ ڈی کی دو ڈگریاں بھی عطا کی گئیں۔