اٹک: کار اور وین میں تصادم‘ 4 افراد جاں بحق‘ 5 شدید زخمی

اٹک (صباح نیوز) اٹک کے قریب کار اور وین کے مابین تصادم کے نتیجے میں 4 افراد جاں بحق جبکہ 5 زخمی ہوگئے، زخمیوں کو ہسپتال فتح جنگ منتقل کر دیا گیا۔ تفصیلات کے مطابق اٹک کے قریب راولپنڈی کوہاٹ روڈ پر کھنڈہ موڑ کے قریب درسکی موڑ پر خوفناک حادثہ ہوا، تیز رفتار ہائی ایس سامنے سے آنے والی کار سے ٹکرا گئی، حادثے میں 4 افراد جاں بحق اور 5 شدید زخمی ہوگئے، زخمیوں کو پولیس اور ریسکیو 1122 تحصیل ہیڈکوارٹر ہسپتال فتح جنگ منتقل کر دیا گیا۔ پولیس کے مطابق کار سوار کوہاٹ سے فتح جنگ جا رہے تھے کہ فتح جنگ روڈ پر حادثے کا شکار ہوگئے۔