لاہور(سپورٹس رپورٹر) پاکستان ہاکی فیڈریشن کی نااہلی کی وجہ سے ایک مرتبہ پھر قومی ہاکی چیمپیئن شپ ملتوی کر دی گئی۔ پاکستان ہاکی فیڈریشن نے ائر مارشل نور خان کے نام سے قومی ہاکی چیمپیئن شپ کے انعقاد کا اعلان کیا تھا جو پہلے کراچی میں کرانے کا فیصلہ کیا گیا تھا تاہم بعض وجوہات کی بنا پر چیمپیئن شپ کو لاہور منتقل کر دیا گیا تھا۔ 20 اپر یل سے 4 مئی تک شیڈول چیمپیئن شپ کے انتظامات مکمل نہ ہونے کی بنا پر اسے بھی ملتوی کر دیا گیا۔ پاکستان ہاکی فیڈریشن کے مطابق چیمپیئن شپ کی نئی تاریخوں کا جلد اعللان کر دیا جائے گا۔