پاک بحریہ کے افسران اور سیلرزکیلئے ایوارڈزکی تقریب کا انعقاد کیا گیا ،چیف آ ف دی نیول سٹاف ایڈمرل ظفر محمود عباسی نے اعزازات تقسیم کئے ۔ترجمان پاک بحریہ کے مطابق پاک بحریہ کے آفیسرز اور سی پی اوز/سیلرز کو عسکری ایوارڈز تفویض کرنے کی تقریب منعقد ہوئی جس میں چیف آف دی نیول اسٹاف ،ایڈمرل ظفر محمود عباسی نے افسران اور جوانوں میں اعزازات تقسیم کئے۔پاک بحریہ کے بارہ کموڈورز کو ستارہ امتیاز(ملٹری ) اور گیارہ افسران کو تمغہ امتیاز (ملٹری) تفویض کیا گیا۔ترجمان پاک بحریہ کے مطابق بائیس افسران اور جوانوں کو تمغہ بسالت کا اعزاز دیا گیا، ماسٹر چیف پیٹی آفیسرز، چیف پیٹی آفیسرز اور سیلرز کوکل 83 تمغہ خدمت(ملٹری) کلاس-II-،I اور III بھی تفویض کیے گئے۔69 آفیسرز، چیف پیٹی آفیسرز/سیلرز اور نیو ی سویلینز کو چیف آف دی نیول اسٹاف مراسلہ تحسین سے بھی نوازا گیا۔