تحریک انصاف کوعوام نے ناقص کارکردگی پر مسترد کیا:نعمان شہزاد 

جوئیانوالہ (نمائندہ نوائے وقت) مسلم لیگ (ن) کے ضلعی رہنما و سابق یو سی چیئرمین ملک نعمان شہزاد ڈوگر آف موجوکی ملیاں نے کہا ہے کہ  عمران خان نے اپنا سیاسی مستقبل تاریک کرلیا ہے یہ بے بنیاد بیرونی سازش کا سہارا نہ لیں اپنی کارکردگی عوام کے سامنے پیش کریں، سازش کا ڈرامہ قوم کا مسئلہ نہیں عمران کا سیاسی مسئلہ ہے، پی ٹی آئی کوعوام ناقص کارکردگی کی وجہ سے مسترد کرچکی ہے۔،عمران خان اب حکومتی امور نئی حکومت پرچھوڑ دیں وہ عوام کو ریلیف کی فراہمی یقینی بنانا باخوبی جانتی ہے،عمران خان اور انکے حواری الیکشن کمیشن میں غیر ملکی فنڈنگ کیس کا سامنا کریں۔