رحیم یارخان،اوچ شریف،ترنڈہ محمد پناہ (کرائم رپورٹر،نامہ نگار،خبر نگار) غیرقانونی آئل ایجنسی، جھونپڑیوں میں آگ لگ گئی،3بھائی جھلس گئے تفصیل کے مطابق امین شاہ ترنڈہ محمدپناہ میں پابندی کے باوجود قائم کی جانیوالی آئل ایجنسی میں اس وقت آگ بھڑک اٹھی جب آئل ٹینکر نمبری E-2267اورآئل ٹینکر نمبریMA-146سے آئل ایجنسی میں ڈیزل منتقل کیا جارہا تھا، آتشزدگی کے باعث 3بھائی 38سالہ امیرخان عمر، 34سالہ نصراللہ خان عمراور37سالہ وحیدخان عمر جوکہ ڈیرہ اسماعیل خان کے رہائشی بری طرح جھلس کر شدید زخمی ہوگئے، چک 140اے میں واقع لکڑی سے بنی ہوئی 4جھونپڑیوں میں نامعلوم وجوہات کی بناء پر آگ بھڑک اٹھی جس نے دیکھتے ہی دیکھتے چاروں جھونپڑیوں کواپنی لپیٹ میں لے لیا جس کے نتیجہ میں جھونپڑیوں میں موجود لاکھوں روپے مالیت کے مویشی،موٹرسائیکل،2لاکھ روپے کی نقدی،دیگرسامان جل کرخاکسترہوگیا، اطلاع ملنے پرریسکیوعملہ نے موقع پر پہنچ کر بھڑکنے والی آگ پر جدوجہد کے بعد قابوپالیا۔