شان مسعودکائونٹی میں ڈبل سنچری کرنیوالے پہلے پاکستانی اوپنر 

لندن (آئی این پی)پاکستانی ٹیسٹ کرکٹر شان مسعود نے اپنے کاؤنٹی کرکٹ کیریئر کے دوسرے ہی میچ میں ڈبل سنچری اسکور کردی۔رپورٹس کے مطابق شان مسعود نے ڈربی شائرکرکٹ کلب کی نمائندگی کرتے ہوئے سسیکس کے خلاف کاؤنٹی چیمپئن شپ کے میچ میں ڈبل سنچری بنائی جس کے بعد وہ کائونٹی کرکٹ میں ڈبل سنچری اسکور کرنے والے پہلے پاکستانی اوپنر بن گئے۔شان مسعود نے میچ کے پہلے روز ہی ڈبل سنچری اسکور کی۔اس سے قبل کائونٹی کرکٹ کے ڈیبو میچ پر بائیں ہاتھ کے بیٹر نے 91اور 62رنز کی نمایاں اننگز کھیلی تھی۔