لاہور(سپورٹس ڈیسک)انگلینڈ کے سابق کپتان اور سب سے کامیاب بلے باز ایلسٹر کک 25ہزار فرسٹ کلاس رنز بنانے والے بیٹر بن گئے۔انہوںنے نے کائونٹی چیمپئن شپ میں ایسکس کی نمائندگی کرتے ہوئے پہلی اننگز میں 59رنز کی اننگز کھیل کر یہ کارنامہ انجام دیا۔۔انہوں نے 161ٹیسٹ میچز میں 33سنچریوں اور 57نصف سنچریوں کی مدد سے 12472رنز بنائے ہیں جبکہ فرسٹ کلاس کرکٹ کے 325میچز میں 70 سنچریوںاور 118نصف سنچریوںکی مدد سے 25026رنز بنارکھے ہیں۔92 ون ڈے میچز میں 5 سنچریوں اور 19 نصف سنچریوں کی مدد سے 3204 رنز بنائے جبکہ 4ٹی ٹونٹی میچز میں 61رنز بنائے۔