لاہور(کلچرل رپورٹر) گلوکارہ نصیبو لال نے کہا ہے کہ موجودہ حالات میں ایک بھی فلم کی کامیابی ساری انڈسٹری کیلئے تقویت کا باعث بنتی ہے‘ گلوکاروں کی خوشحالی فلموں کی کامیابی سے مشروط ہے۔ جب فلمیں بنیں گی تو ہی گلوکار بھی مصروف ہونگے اور اسکے ہزاروں ہنر مندوں کے گھروں کے چولہے جلیں گے۔ فلم انڈسٹری کے موجودہ دور میں فلموں کی کامیابی آئی سی یو میں پڑی انڈسٹری کیلئے آکسیجن کی حیثیت رکھتی ہے ۔ اور ایسا ہرگز نہیں کہ فلم کی کامیابی سے صرف اس سے وابستہ لوگوں کو فائدہ ہوتا ہے بلکہ یہ پوری انڈسٹری کیلئے سود مند ثابت ہوتی ہے۔