اداکار ببوبرال کو مداحوں سے  بچھڑے 11سال بیت گئے

لاہور (کلچرل رپورٹر) پاکستانی سٹیج ڈراموں، فلموں اور ٹی وی کے ذریعے لاکھوں چہروں پر خوشیاں بکھیرنے والے ببو برال کو اپنے مداحوں سے بچھڑے 11برس بیت گئے لیکن آج بھی ان کی پرفارمنس لاکھوں شائقین کے دلوں پر راج کر تی ہے۔منفرد انداز کے حامل اداکارببو برال نے بطور گلوکار بھی گیت گائے اور بے پناہ مقبولیت حاصل کی۔ سٹیج کے واسٹائل کامیڈین ایوب اختر المعروف ببو برال نے30 سال تک سینکڑوںسٹیج ڈراموں اور متعدد فلموں میں اداکاری کے جوہر دکھائے۔ ان کے سٹیج شو شرطیہ مٹھے نے بہت شہرت حاصل کی۔ببو برال نے 50 کے قریب فلموں میں بھی اداکاری کے جوہر دکھائے۔ وہ 16 اپریل 2011میں جگر کے عارضے کے باعث اس دنیا سے کوچ کرگئے تھے۔