پی ٹی آئی کا کراچی کے باغ جناح میں جلسہ، عمران خان خطاب کریں گے

پاکستان تحریک انصاف (پی ٹی آئی) کی جانب سے کراچی کے باغ جناح میں جلسہ عام منعقد کیا جا رہا ہے جہاں پارٹی کے چیئرمین اور سابق وزیراعظم عمران خان کا خطاب بھی متوقع ہے۔پی ٹی آئی کے رکن سندھ اسمبلی شہزاد قریشی کا کہنا تھا کہ قائد کی مزار کے سائے تلے 100 کینٹینروں کی مدد سے اسٹیج تیار کیا گیا ہے۔سابق وزیراعظم عمران خان نے ایک روز قبل سماجی رابطے کی ویب سائٹ ٹوئٹر پر اپنے بیان میں اپنے حامیوں سے جلسے میں پاکستانی پرچم ساتھ لے کر آنے کی درخواست کی تھی اور کہا تھا کہ اب یہ لڑائی ملک کی خود مختاری اور حقیقی جموریت کے لیے ہے۔