لاہور(نامہ نگار)چیف ٹریفک افسر لاہور عمارہ اطہر نے لین لائن،سٹاپ لائن اور زیبرا کراسنگ کی خلاف کرنیوالوں کیخلاف کریک ڈائون کا حکم دیا ہے۔انہوں نے بتایا کہ لین لائن،سٹاپ لائن کی آگاہی کیلئے وارڈنز تعینات، کونز بھی لگا دی گئی ہیں۔ مال روڈ پر لین لائن ڈسپلن کیلئے 40وارڈنز،10سینئر وارڈنز اور ایجوکین ٹیم تعینات ہیں۔موٹرسائیکل سوار انتہائی بائیں لین استعمال کریں گے۔، دائیں لین صرف اور صرف ٹرن لینے کی صورت میں استعمال کی جائے گی۔موٹرسائیکل سوار درمیانی لائن ہرگز استعمال نہیں کریں گے۔