لاہور سمیت پنجاب بھر میں منشیات فروشوں کیخلاف کارروائی،141 گرفتار

لاہور(نامہ نگار)پولیس نے لاہور سمیت مختلف اضلاع میں خصوصی مہم کے دوران 49 دنوں میں منشیات فروشوں کیخلاف 7047 مقدمات درج کرتے ہوئے 7500 ملزمان کو گرفتار کیا گیا۔ 4897 کلوگرام چرس، 26 کلو گرام سے زائد آئس، 210 کلو گرام افیون، 88 کلو گرام ہیروئن اور 42132 لٹر شراب برآمد کی گئی۔ترجمان پنجاب پولیس نے بتایا 24 گھنٹوں میں لاہور سمیت صوبہ بھر میں منشیات فروشوں کیخلاف 138 مقدمات درج کرتے ہوئے 141 ملزمان کو گرفتا ر کیا گیا۔61 کلو چرس، 2454 لٹر شراب و دیگر منشیات برآمد کی گئی۔