کراچی میں زیرحراست ملزم کی پراسرارموت، ایس ایچ او درخشاں معطل

کراچی میں تھانہ درخشان میں زیرحراست ملزم کی پراسرارموت پر ایس ایچ او درخشاں اور ہیڈ محرر کو معطل کر دیا گیا ۔ڈی آئی جی ساؤتھ سید اسد رضا نے واقعہ کا نوٹس لے لیتے ہوئے ایس ایچ او اور ہیڈمحرر کو معطل کیا، ڈی آئی جی ساؤتھ نے ایس پی صدر کو انکوائری کرنے کی ہدایت کرتے ہوئے24 گھنٹے میں طلب کر لی۔پولیس نے دعویٰ کیا کہ ملزم دل کا دورہ پڑنے سے جاں بحق ہوا، میڈیکل لیگل رپورٹ میں وجہ موت معلوم ہوسکےگی۔پولیس کے مطابق ملزم معیزکو گزشتہ روز گرفتارکیا گیاتھا، ملزم پربھتہ خوری،جعلسازی سمیت4مقدمات درج تھے۔