دبئی میں بارشوں سے نظام زندگی درہم برہم ہوگیا، دبئی کی مرکزی شیخ زید شاہراہ پر بھی بد ترین ٹریفک جام ہوگیا۔
آج ہونے والی موسلادھار بارش کے دوران دوپہر میں بھی اندھیرا چھا گیا، ان مناظر کو کیمرے کی آنکھ نے بھی محفوظ کرلیا۔
ویڈیو میں دیکھا جاسکتا ہے کہ بارش کے دوران شیخ زید روڈ کے ایک جانب کی عمارت سے دوسری جانب سے عمارت نظر آنا تقریباً ختم ہوگئی تھی۔بارش کے باعث اس شاہراہ پر بدترین ٹریفک جام ہوا جو کوئی گھنٹوں بعد بھی نہ کھل سکا۔
واضح رہے کہ شیخ زید روڈ براستہ دبئی شارجہ اور ابوظبی کو ملاتی ہے۔