کراچی (آن لائن) پیر پگاڑا کی گھوڑی پیامی نے تمام فیورٹس کو شکست دیتے ہوئے جشن آزادی کپ ریس جیت لی۔ کراچی ریس کلب میں جشن آزادی کا روزفیورٹس کے لئے اچھا نہ رہا۔ اوشین سونگ جسے ماہرین نے جیت کے لئے فیورٹ قراردیا تھا وہ کسی بھی پوزیشن سے محروم رہی۔ اہم ترین انڈی پینڈنس کپ ریس میں ٹائٹل پیر پگاڑا کی گھوڑی نے حاصل کیا۔ تجربہ کار جوکی محمد عسیی نے مہارت اور ذہانت سے سواری کی۔ انہوں نے چھ فرلانگ کا فاصلہ ایک منٹ ساڑھے سترہ سیکنڈ میں طے کیا۔ فلائنگ کلاوڈ میں دوسری اور آرمی آف ون نے تیسرے پوزیشن حاصل کی۔ فاتح کو ایک لاکھ روپے اور ٹرافی دی گئی۔ مہمان خصوصی سٹیشن کمانڈر کراچی بریگڈیئر انیس احمد نے انعامات تقسیم کئے جبکہ پیرصاحب پگاڑا نے پاکستان آرمی کے فلڈ ریلیف فنڈ میں پانچ لاکھ روپے کا چیک دیا۔ سینئر ٹرینر محی الدین کا کہنا ہے کہ کئی گھوڑوں نے شاندار کار کردگی کا مظاہرہ کرتے ہوئے اپ سیٹس کئے۔ جس کی وجہ سے شائقین کو مایوسی ہوئی۔ دیگر ریسوں میں گولڈ ڈیگر، فیسٹا لیڈی، ہیٹ دی ہائیٹس ، ڈس مس، کمانڈو اور فار لیپ نے کامیابی حاصل کرتے ہوئے ماہرین کے اندازوں کو غلط ثابت کر دیا۔