لاہور (سپورٹس رپورٹر) پنجاب بیڈ منٹن ایسوسی ایشن کے زیراہتمام انڈر 12 اور انڈر15 جشن آزادی بیڈمنٹن ٹورنامنٹ کل سے لاہور میں شروع ہوگا۔ پنجاب بیڈمنٹن ایسوسی ایشن کے سیکرٹری طیب سہیل کا کہنا ہے کہ ٹورنامنٹ کے انعقاد کا مقصد گراس روٹ لیول پر بیڈمنٹن کا نیا ٹیلنٹ سامنے لانا ہے۔ پنجاب بیڈمنٹن ایسوسی ایشن گراس روٹ لیول پر کھیل کی ترقی کےلئے مثبت اقدامات کر رہی ہے۔ اس ضمن میں جلد ہی لاہور میں بیڈمنٹن اکیڈمی کا قیام عمل میں لایا جائے گا جس میں کوالیفائیڈ کوچز نوجوان کھلاڑےوں کو تربیت دیں گے۔