تین ملکی انڈر 19 کرکٹ ٹورنامنٹ پاکستان، انگلینڈ کے درمیان میچ آج ہو گا

لندن (اے پی پی) تین ملکی انڈر 19 کرکٹ ٹورنامنٹ، پاکستان اور انگلینڈ کے درمیان آخری لیگ میچ (آج) جمعہ کو ڈربی میں کھیلا جائے گا۔ قومی انڈر 19 ٹیم ٹورنامنٹ میں اب تک ناقابل شکست ہے۔ اور وہ چار میچ جیت کر فائنل کےلئے کوالیفائی کر چکی ہے۔ گرین شرٹس نے دو مرتبہ بنگلہ دیش اور دو ہی بار انگلینڈ کو شکست سے دوچار کیا ہے، واضح رہے پاکستان اور بنگلہ دیش کے ٹورنامنٹ کا پہلا میچ بارش کی نذر ہوگیا تھا۔ فائنل 19 اگست کو کھیلا جائے گا۔