لاہور (آئی اےن پی) پاکستان کرکٹ بورڈ نے قومی ٹےم کے دورہ زمبابوے کے لئے ضابطہ اخلاق جاری کر دیا۔ پی سی بی کے ذرائع کے مطابق ہدایت نامے کی کاپیاں کھلاڑیوں کو فراہم کر دی ہیں۔ دورہ زمبابوے کے لئے اعلان کردہ تینوں فارمیٹ کی ٹیم میں شامل بیشتر کھلاڑیوں کو قذافی سٹیڈیم میں تربیتی کیمپ کے آغاز سے قبل ضابطہ اخلاق کی کاپیاں دی گئیں۔ ہدایت نامے کی کاپیاں سیریز سے قبل کھلاڑیوں کو فراہم کی جاتی ہیں۔ متعلقہ سیریز کے حوالے سے کھلاڑیوں کو کوڈ آف کنڈیکٹ پر پابندی اور دورے میں کسی بھی منفی سرگرمی سے دور رہنے سے متعلق احکامات جاری ہوئے ہیں۔