کیریبین لیگ میں مصروف محمدحفیظ18اگست کوقومی ٹیم جوائن کریں گے

کولمبو(آئی این پی)پاکستان کرکٹ ٹیم کے اوپنر محمد حفیظ کیریبین لیگ میں مصروف ہونے کی وجہ سے18اگست کو پاکستانی ٹیم کو کولمبو میں جوائن کریں گے۔جبکہ ون ڈے اسکواڈ کے بقیہ کھلاڑی شاہد آفریدی،فواد عالم،انور علی،صہیب مقصود،شر جیل خان اور ذوالفقار بابر جمعے کی شب کولمبو پہنچ  گئے۔محمد حفیظ کی ٹیم کیریبین لیگ کے سیمی فائنل میں پہنچ گئی ہے اس لئے وہ تاخیرسے آنا چاہتے ہیں۔ٹیسٹ سیریز کے بعد شان مسعود،سر فراز احمد،اسد شفیق،عبدالرحمن وطن واپس جائیں گے۔