کراچی(کامرس رپورٹر)آٹو مکینیکا فرینکفرٹ 11 سے 15 ستمبرتک ہوگا آٹو موٹیو سروس انڈسٹری کی دنیا کی سب سے بڑی نمائش ہے۔پاکستان سے 14 کمپنیاں آٹو مکینیکا فرینکفرٹ میں شرکت کریںگی ہر دو سال بعد ہونے والی نمائش 2018 اپنی 25ویں سالگرہ ایک نئی تھیم اور رائفن کے ساتھ منانے جا رہی ہے۔ گزشتہ ایڈیشن میں تقریباً 133,000 تجارتی خریداروں نے 170 ممالک سے اس نمائش میں شرکت کی اوردنیا بھر سے آنے والے 4,843 نمائش کنندگان کی جدید پیش رفت کا مشاہدہ کیا۔ اس برس آٹومکینیکا فرینکفرٹ میں 5,000 سے زائد نمائش کنندگان 70 ممالک سے متوقع ہیں ۔ ہمیشہ کی طرح انڈسٹری، ورکشاپ اور تجارتی خریدار نہ صرف مصنوعات اور سولوشن کی لاثانی مصنوعات کا مشاہدہ کریں گے بلکہ ساتھ ہی ساتھ آٹوموبائل ویلو چین، آلات، پرزہ جات، حصّے، مینجمنٹ اور سروس بھی دیکھنے میں آئیں گی۔ٹریڈ ڈیولپمنٹ اتھارٹی آف پاکستان پچھلی دو دہائیوں سے آٹومکینیکا فرینکفرٹ میں شرکت کر رہا ہے۔ ٹریڈ ڈیولپمنٹ اتھارٹی آف پاکستان 9 کمپنیوں کے ہمراہ اس برس بھی آٹو مکینیکا فرینکفرٹ میں پاکستان پویلین کاانعقاد کریگی۔