لاہور (سپورٹس رپورٹر+نمائندہ سپورٹس) پنجاب سکواش ایسوسی ایشن کے زیراہتمام تیسرے پنجاب نیشنل سینئر سکواش ٹورنامنٹ کے مین راﺅنڈکا آغاز ہوگیا۔ مین راﺅنڈ کے پہلے روز آٹھ میچز کھیلے گئے۔ پہلے میچ میں ایس این جی پی ایل کے کاشف آصف نے آرمی کے رئیس خان کو، پی اے ایف کے وقا ص محبوب نے زیڈ ٹی بی ایل کے وقار محبوب کو، پی اے ایف کے مہران جاوید نے پنجاب کے احمد امین کو، کے پی کے عباس شوکت نے سندھ کے نعمان خان کو، آرمی کے صدام الحق نے ریلوے کے علی بخاری کو، پنجاب کے عزیر رشید نے آرمی کے بلال ذاکر خان کو، نیوی کے فراز محمد نے ایس این جی پی ایل کے محمد فرحان کو جبکہ آخری میچ میں واپڈا کے عباس زیب نے کے پی کے ظاہر شاہ کو ہرا کر اگلے کوارٹر فائنلز کیلئے کوالیفائی کرلیا۔ آج کوارٹر فائنلز کھیلے جائیں گے۔