اسلام آباد ( سپیشل رپورٹ) صدر مملکت نے یوم آزادی پر پاک فوج، فضائیہ اور نیوی کے افسروں کو فوج اعزازات‘ جبکہ ڈی جی آئی ایس پی آر میجر جنرل بابر افتخار کو ہلال امتیاز ملٹری سے نوازا گیا ہے۔ آئی ایس پی آر کے مطابق صدر نے 62 تمغہ بسالت، 54 ستارہ امتیاز، 45 چیف آف آرمی سٹاف اسناد، 72 ستارہ امتیاز ملٹری دینے کا اعلان کیا ہے۔ ان افسروں میں سینئر اور جونیئر آفیسرز بھی شامل ہیں۔ بعد از شہادت ایوارڈ دینے کا بھی اعلان کیا گیا ہے۔ جبکہ ڈی جی آئی ایس پی آر کو ہلال امتیاز ملٹری سے نوازا گیا ہے۔ یہ اعزاز انہیں انکی عسکری خدمات کے عوض دیا گیا ہے۔