مصطفیٰ آباد ‘ کوٹ لکھپت‘ سبزہ زار‘ اسلام آباد‘ ڈیفنس میں لاکھوں کی ڈکیتیاں 

لاہور (نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ تفصیلات کے مطابق ڈاکوؤں نے      مصطفی آباد کے علاقے میںحسین احمدکے گھر گھس کر اہلخانہ کو گن پوائنٹ پر یرغمال بنا کر 6لاکھ 80ہزار روپے مالیت، کوٹ لکھپت کے علاقے میں ابراہیم کے گھر سے 5لاکھ 30ہزار روپے مالیت، سبزہ زار کے علاقے میں موٹر سائیکل سوار ڈاکوؤں نے فرقان اور فیملی سے 4لاکھ 45ہزار روپے مالیت، اسلام پورہ کے علاقے میں جمال اور فیملی سے 2لاکھ 60ہزار روپے مالیت، ڈیفنس کے علاقے میں کاشف اور اس کی فیملی سے ایک لاکھ 48ہزار روپے مالیت کی نقدی، طلائی زیورات، موبائل فون اور دیگر سامان لوٹ لیا۔ پرانی انارکلی میں نعمان سے 70ہزار روپے اور موبائل فون، شاہدرہ ٹاؤن میں پرویز سے گن پوائنٹ پر 65ہزار روپے اور موبائل فون، ملت پارک میں راحیل سے45ہزار روپے اور موبائل فون، مستی گیٹ کے علاقے میں ماجد سے12 ہزار روپے اور موبائل فون لوٹ لیا گیا۔ چوروں نے جوہر ٹاؤن، شیراکوٹ اور ستوکتلہ کے علاقوں سے تین گا ڑیاں جبکہ کاہنہ، اسلام پورہ، مزنگ، شفیق آباد اور کاہنہ کے علاقوں سے پانچ موٹر سائیکلیں چوری کر لی ہیں۔