لوئر دیر میںپولیس وین پر بم حملہ میں 4 ایلیٹ فورس اہلکار زخمی 

لوئر دیر (این این آئی)خیبر  پی کے کے ضلع لوئر دیر میں میدان کے علاقے دارو جبگئی میں پولیس وین پر ریمویٹ کنٹرول بم حملہ میں چار ایلیٹ فورس اہلکار زخمی ہوگئے پولیس کے مطابق دھماکے کے چاروں زخمیوں کو ہسپتال منتقل کر دیا گیا جہاں انہیں طبی امداد دی جا رہی ہے۔لوئر دیر پولیس کے مطابق ایلیٹ فورس کے اہلکار سرچ آپریشن کیلئے جا رہے تھے کہ ان پر بم سے حملہ کیا گیا۔دھماکے کے بعد علاقے میں خوف وہراس پھیل گیا تاہم سکیورٹی فورسز نے جائے وقوعہ کو گھیرے میں لیکر سرچ آپریشن شروع کر دیا ۔