فیروز والا: بچوں کی لڑائی پر ساتھی کی مددسے چچا سسر کو قتل کر دیا 

فیروزوالا( نامہ نگار) جی ٹی روڈ کی آبادی  لطیف پارک (مریدکے) میں بچوں کی لڑائی کے تنازعہ پر نوجوان علی اکبر پٹھان نے ساتھی کی مدد سے اپنے چچا سسر محمد سرور کو ہلاک کردیا ملزمان فرار ہو گئے ۔مقتول اور ملزمان کے بچے آپس میں جھگڑ پڑے جس پر ملزم علی اکبر پٹھان نے ساتھی کی مدد سے اپنے چچا سسر محمد سرور کے گھر داخل ہوکر حملہ کرکے اسے تشدد کا نشانہ بنایا اور ڈنڈے مار کر ہلاک کردیا۔ پولیس نے مقتول کی نعش قبضہ میں لے کر پوسٹمارٹم کیلئے ہسپتال بھجوا دی پولیس نے ملزمان کے خلاف مقدمہ درج کرلیا۔