انگلش کرکٹر جوروٹ نے ٹیسٹ میں 9000 رنز کا سنگ میل عبور کر لیا

لاہور(سپورٹس ڈیسک) انگلینڈ کرکٹ ٹیم کے کپتان اور مایہ ناز بلے باز جوروٹ کی شاندار کارکردگی کا سلسلہ جاری ہے، انہوں نے بھارت کیخلاف لارڈز ٹیسٹ میں ناقابل شکست سنچری بنا کر 9000 رنز کا سنگ میل عبور کر لیا۔وہ یہ اعزاز حاصل کرنیوالے انگلینڈ کے دوسرے بلے باز ہیں۔ 30 سالہ روٹ اب تک 22 سنچریاں بنا چکے ہیں۔وہ ایلسٹر کک کے بعد یہ سنگ میل عبور کرنے والے انگلینڈ کے دوسرے کھلاڑی ہیں۔وہ اب تک 196 اننگز میں 50.09 کی اوسط سے 9067 رنز بنا چکے ہیں جس میں 22 سنچریاں اور 50 نصف سنچریاں شامل ہیں۔