منگھوپیر سے مضر صحت گٹکا‘ماوا کی  فروختگی میں ملوث ملزمان گرفتار

کراچی (وقائع نگار) منگھوپیر سے مضر صحت گٹکا/ماوا کی فروختگی میں ملوث ملزمان گرفتار کرلئے گئے۔ ایس ایچ او منگھوپیر نے تین مختلف کاروائیوں کے دوران چار گٹکا/ماوا فروش ملزمان کو گرفتار کیا۔گرفتار ملزمان کے قبضے سے وافر مقدار میں مضر صحت گٹکا/ماوا اور فروختگی کی رقم برآمد ہوئی۔ ملزمان منگھوپیر کے مختلف علاقوں میں چھپ کر مضر صحت گٹکا فروخت کرتے تھے۔گرفتار ملزمان کیخلاف مقدمات الزام نمبر 805/2021، 806/2021 اور 808/2021 بجرم دفعہ 4/8 درج، تفتیش جاری ہے۔ گرفتار ملزمان میں علی شاہ ولد بخت جمال، محتاب ولد خاوند بخش، انور ولد صالع محمد اور شوکت ولد ولی محمد شامل ہیں۔