چیچہ وطنی: مقامی ہوٹل مالکان کی طرف سے کلاسیکل میوزک نائٹ

چیچہ وطنی(نامہ نگار) جشن آزادی کے حوالہ سے مقامی ہوٹل مالکان کی طرف سے کلاسیکل میوزک نائٹ کا انعقاد کیا گیا۔مقامی سکولز کے طلباء و طالبات نے ملی نغمے پیش کئے ، یوم آزادی کے حوالے سے تقاریر بھی کی گئی۔ قوال اصغر مہندی نے کلاسیکل موسیقی سنا کر تقریب کو چار چاند لگا دئیے۔سابق ایم پی چوہدری شہزاد سعید چیمہ اور سابق صدر بار چوہدری سرور جاوید نے بطور مہمان خصوصی شرکت کی۔تقریب سے خطاب کرتے ہوئے سابق ایم پی اے چوہدری شہزاد سعید چیمہ نے کہا کہ آزادی ایک نعمت ہے اور ہمارے اسلاف نے حصول آزادی کیلئے بے مثال قربانیاں پیش کیں۔یوم آزادی منانے کا مقصد موجودہ اور آنے والے نسلوں کو آزادی کی نعمت سے روشناس کروانا ہے۔قیام پاکستان سے لیکر آج تک پاکستانی قوم ترقی کے سفر کی طرف گامزن ہے اور بہت مختصر عرصہ میں پاکستان اٹیمی قوت بن کر دنیا میں اپنا مقام بنا چکا ہے۔