خاتون کو5بھائیوں نے اغوا کر لیا،تشدد، قابل اعتراض فوٹو بنالئے

گوجرانوالہ(نمائندہ خصوصی)،تھانہ کھیالی پولیس کو نسرین نامی خاتون نے درخواست دی جس میں کہا گیا کہ گذشتہ روز وہ اپنی عارضی رہائشگاہ ہاشمی کالونی سے دوائی لینے کیلئے جار رہی تھی کہ مکی روڈ پر سفید ٹیوٹا پر سوار ملزموں ناظم ، گوگا، تنویر، موچھا اور لالہ نے دیگر ساتھیوں آصف، عدنان، اکبر، وغیرہ کیساتھ ملکر مجھے زبردستی ویگن میں ڈال لیا، تشدد کا نشانہ بنا کر نیم برہنہ کر کے فوٹو بناتے رہے ،اور کہا کہ ہمار ے خلاف مقدمہ کی پیروی کرنے پر تمہیں زندہ نہیں چھوڑیں گے ، ملزمان نے پرس میں رکھے 40ہزار بھی چھین لئے اور حالت غیر ہونے پرسر راہ پھینک کر فرار ہو گئے، پولیس نے مقدمہ درج کرلیا دریں اثناء تھانہ گرجاکھ پولیس کو اسلم مسیح نے درخواست دی کہ گذشتہ روز اسکی 15سالہ بیٹی زوبیہ کو دو بھائیوں جمشید، جنید نے اپنے والد اور والدہ کیساتھ ملکر اغوا کر لیا اور واپس کرنے سے انکاری ہو گئے، پولیس نے مقدمہ درج کرلیا۔