نواب شاہ(محمداسلم منیر نامہ نگار)قومی شاہراہ پر قاضی احمد کے قریب پیٹرول سے بھرا آئل ٹینکر الٹ گیا ،ڈرائیور اور کلینر محفوظ رہے ،آئل ٹینکر میں موجود 50 ہزار لیٹر پیٹرول قومی شاہراہ پر بہہ رہا ہے آئل ٹینکر کراچی سے شکار پور جارہا تھا کہ بارش کی پھسلن کے باعث الٹ گیا،اطلاع ملنے پر انتظامیہ فائر بریگیڈ سمیت جائے حادثہ پر پہنچ گئی دریں اثنا ءموٹر وے پولیس نے حفاظتی انتظامات کرتے ہوئے کراچی سے پنجاب جانے والی سڑک کو بند کرکے دوسرے ٹریک پر ٹریفک کو بحال کردیاہے۔