لاہور(لیڈی رپورٹر)شاد باغ کالج برائے خواتین کی پرنسپل پروفیسر ثمینہ راؤ نے کہا ہے کہ آزادی ایک عظیم نعمت ہے پاکستان کے حصول کی منزل آسان نہیں تھی اس کیلئے ہمارے اسلاف نے لاکھوں قربانیاں دیں طالبات آزادی کی قدر کریں اور وطن عزیز کا نام روشن کرنے کیلئے کوئی دقیقہ فروگزاشت نہ کریں۔ انہوںنے ان خیالات کااظہار 76ویں یوم آزادی کے سلسلہ میں محکمہ تعلیم کی ہدایات پر دو روزہ تقریبات سے خطاب میں کیا۔شعبہ سیاسیات اور تاریخ کے زیر اہتام تقریبات میں اساتذہ و طالبات نے ملی نغمے تقاریر اور خاکے پیش کرکے وطن سے محبت کااظہار کیا۔اس موقع پر کالج کی سینئر گائیڈ ز اور دیگر طالبات نے جذبہ حب الوطنیکے تحتکوئز۔گارڈ آف آنر۔پرچم کشائی اور ٹیبلو کا یوم آزادی کے عنوان سے انعقاد کیا گیا۔اس موقع پر پرنسپل پروفیسر ثمینہ راؤ ، وائس پرنسپل پروفیسر کنیز فاطمہ، پروفیسر لبنی خالد،پروفیسرنغمہ کوکب اور پروفیسر آسیہ ظہیر اورسئنیر گائیڈ ز نے پودے لگائے۔