تل ابیب(این این آئی)مقبوضہ مغربی کنارے کے شہر اریحا میں ایک پناہ گزین کیمپ پر چھاپے کے بعد اسرائیلی افواج نے دو فلسطینیوں کو شہید کر دیا۔اریحا ہسپتال کے ڈائریکٹر نے غیرملکی خبررساں ادارے کو بتایاکہ دو آدمیوں کو ہسپتال منتقل کیا گیا جن کو سینے میں گولیاں لگی تھیں۔علاقے کے رہائشیوں نے بتایا کہ مسلح جھڑپیں ہوئیں لیکن یہ بات واضح نہیں کہ آیا وہ دونوں ان جھڑپوں میں ملوث تھے۔رہائشیوں نے مزید بتایا کہ جھڑپیں ایک گھنٹے سے بھی کم وقت تک جاری رہیں۔