لاہور(سپورٹس رپورٹر) پاکستان شاہینز نے ٹاپ اینڈ ٹی ٹونٹی سیریز میں اپنے چوتھے میچ میں میلبورن رینیگیڈز کو 4 وکٹوں سے شکست دیدی۔یہ اس ٹورنامنٹ میں پاکستان شاہینز کی چار میچوں میں تیسری کامیابی ہے۔ پاکستان شاہینز نے ٹاس جیت کر میلبورن رینیگیڈز کو پہلے بیٹنگ دی جو18.3 اوورز میں 107 رنز بناکر آؤٹ  ہوگئی۔پاکستان شاہینز نے 18 اوورز میں  6 وکٹو پر ہدف حاصل کرلیا۔ میلبورن رینیگیڈز کی 7 وکٹیں 67  رنز پر گرگئی تھیں۔جے لیمائر نے 23 ‘ بلیک مکڈونلڈ نے 18 رنز بنائے۔جہانداد خان نے 3 وکٹیں حاصل کیں۔عارف یعقوب‘ عمران جونیئر اور فیصل اکرم نے دو دو کھلاڑیوں کو آؤٹ کیا۔پاکستان شاہینز کو 108  رنز کے ہدف کے تعاقب میں صاحبزادہ فرحان 4 اور کپتان محمد حارث 17 رنز بناکر آؤٹ ہوگئے۔ عمیر بن یوسف نے 25 رنز بنائے۔ عثمان خان نے  38 رنز بنائے۔طیب طاہر4 اور عرفان خان 12 رنز بناکر آؤٹ ہوئے۔جہانداد خان نے ہیرس کی گیند پر چھکا مارکر ٹیم کو جیت سے ہمکنار کردیا۔ پاکستان شاہینزپانچواں میچ آج بنگلہ دیش اے کیخلاف کھیلے گی۔