لاہور(سپورٹس رپورٹر)پاکستان شاہینز اور بنگلہ دیش اے درمیان 4 روزہ میچ کا تیسرا دن  بارش کے باعث ختم کردیا گیا۔راولپنڈی میں کھیلے جارہے سیریز کے پہلا 4 روزہ میچ کے تیسرے روز مسلسل بارش کی وجہ سے ایک گیند بھی نہ کروائی جاسکی، بعدازاں امپائرز نے متفقہ طور پر کھیل ختم کرنے کا اعلان کیا۔ دوسرے روز پاکستان شاہینز نے 4 وکٹوں پر 367 رنز بنائے تھے۔ بنگلہ دیش اے کی ٹیم پہلے دن اپنی پہلی اننگز میں 122 رنز بناکر آؤٹ ہوگئی تھی۔ پاکستان شاہینز کو 245 رنز کی برتری حاصل ہوگئی  اور 6 وکٹیں باقی ہیں۔