فیصل آباد‘جڑانوالہ‘شورکوٹ،سانگلہ ہل ( نمائندہ خصوصی ‘نمائندہ نوائے وقت‘نامہ نگار )پولیس مقابلے میں 2ڈاکو ہلاک اور حراست سے فرار ہونے والا ملزم  زخمی ہو گیا‘ فیصل آباد‘تھانہ غلام محمد آباد پولیس کی حراست سے چند روز قبل چوری کے مقدمہ میں ملوث ملزم حماد عدالت پیشی کے موقع پر پولیس اہلکاروں کی غفلت کے باعث فرار ہو گیا تھا۔تھانہ بلوچنی کی حدود میں ڈکیتی کرکے فرار ہونیوالے موٹر سائیکل سوار ڈاکوؤں کا پولیس کیساتھ آمنا سامنا مبینہ پولیس مقابلہ میں 2 ڈاکوؤں اپنے ہی ساتھیوں کی فائرنگ سے ہلاک 2 فرار ہو گئے‘ تھانہ بلوچنی کو 15 پر کال موصول ہوئی کہ شاہکوٹ روڈ ٹاکیاں والی سیم پل کے قریب 2 موٹر سائیکلوں پر 4 ڈاکوؤں نے قیصر رفیق سے موٹر سائیکل اور نقدی چھین لی ۔اطلاع پر سیم پل مال چک کے قریب ڈاکوؤں کا پولیس کیساتھ آمنا سامنا ہو گیا۔فائرنگ کے تبادلہ میں اپنے ہی ساتھیوں کی فائرنگ سے 2 ڈاکو ہلاک ہو گئے جبکہ 2 فرار ہو گئے ہلاک ہونیوالے ڈاکوؤں کی شناخت عاطف ‘ شعیب کے نام سے ہوئی ۔