آبائو اجداد نے پاکستان کیلئے لازوال قربانیاں دیں: عارف سندھیلہ 

شیخوپورہ (نمائندہ نوائے وقت) مسلم لیگ (ن) کے ضلعی صدر و سابق رکن صوبائی اسمبلی محمد عارف سندھیلہ نے کہا ہے کہ پاکستان ہمیں آباؤ اجداد کی لازوال قربانیوں کے باعث ملا پاکستان دشمن قوتیں پاکستانی قوم کومذہبی منافرت اوررنگ و نسل کے تعصب میں مبتلا کر کے ملک کو کمزور کرنا چاہتی ہیں جن کی تمام تر سازشوں کو پاکستان کے عوام اپنے اتحاد و یگانگت کی قوت سے ناکام بنانے میں اپنا کردار ادا کریں، دہشت گردی کی بزدلانہ کارروائیوں کے ذریعے پاکستان کو غیر محفوظ کرنے کی سازش رچی گئی ہے جس کے خلاف برسر پیکار پاکستانی سکیورٹی اداروں کی پشت پر پوری پاکستانی قوم کو کھڑا ہونا ہوگا۔ انہوں نے  کہا کہ پاکستانی قوم کے حوصلے سمندر سے گہرے اور ہمالیہ سے بلند ہیں ہم دشمن کی مادر وطن کے خلاف ہر سازش کو ناکام بنا ئیں گے۔