جشن آزادی ٹورنامنٹ ،پاک چائنہ کلب اور شعیب کلب فائنل میں پہنچ گئے

 اسلام آباد(سپورٹس رپورٹر)جشن آزادی کرکٹ ٹورنامنٹ پاک چائنہ کرکٹ کلب اور شعیب کرکٹ کلب نے اپنے اپنے میچز جیت کر فائنل میں جگہ بنا لی راولپنڈی مسلم گراؤنڈ میں کھیلے گئے ٹورنامنٹ کے میچ میں پاک چائنہ نے سردار حسین کرکٹ کلب کو 135 رنز سے ہرا دیا اویس خان نے 150 رنز سکور کیے اور ناٹ آوٹ رہے جبکہ پاک چائنہ کے رحمت شاہ نے پانچ شکار کیے دوسرے میچ میں شعیب کرکٹ کلب نے بابر کرکٹ اکیڈمی کو با آسانی ٹھکانے لگا دیا شعیب کرکٹ کلب نے پہلے کھیلے ہوئے مقررہ اورز میں 171 کا ٹارگٹ دیا شوکت خان نے60 رنز کی جارحانہ اننگز کھیلی جواب میں بابر کرکٹ اکیڈمی کا اغاز اچھا نہیں تھا اور کوئی بھی پلیئر جم کر نہ کھیل سکا پوری ٹیم ریت کی دیوار ثابت ہوئی اور 115 رنز پر ہی ڈھیر ہو گئی شعیب کرکٹ کلب کے صائم خان نے 3 اور ذیشان داد نے 12 رنز دے کر دو کھلاڑیوں کو اٹ کیا شعیب کرکٹ کلب کے شوکت خان کو پلیئر اف دی میچ کا ایوارڈ دیا گیا ٹورنامنٹ کا فائنل جمعہ کو شعیب کرکٹ کلب اور پاک چائنہ کرکٹ کلب کے درمیان کھیلا جائے گا۔