مری میں ٹی ڈی سی پی کی جانب سے اوپن ڈیکر بسوں کی شاندار ریلی

  مری(سید نوید کاظمی سے)مری میں جشن آزاد ی کے موقع پر مری میں ٹی ڈی سی پی کی جانب سے اوپن ڈیکر بسوں کی شاندار ریلی کاانعقاد کیاگیا جس میں ایم این اے اسامہ اشفاق سرور، ایم پی اے بلا ل یامین ستی، ڈپٹی کمشنر مری آغا ظہیرعباس شیرازی، اسسٹنٹ کمشنر مری کیپٹن(ر)عبدالوہاب خان کے علاوہ تمام محکموں کے سربراہان، سکولوں کے طلبا وطالبات، و صحا فیوں اورعوام نے ریلی میں شرکت کی،ریلی پاکستانی نغموں، گھوڑوں کے ڈانس اور ڈھول کی تھاپ پر کشمیر پوائنٹ سے شروع ہوئی اور جھیکا گلی پر اختتام پذیر ہوئی،شرکا نے کشمیر  پوائنٹ پر آزادی کیک بھی کاٹا اور پاکستان زندہ آباد کے نعرے بھی لگائے۔