جشن آزادی،پاکستان پوائنٹ کالا چٹا نیشنل پارک میں پروقار تقریب

سنجوال کینٹ (نامہ نگار )جشن آزادی کے حوا لے سے پاکستان پوائنٹ کالا چٹا نیشنل پارک میں پروقار تقریب کا انعقاد کیا گیا جس کے مہمان خصوصی ڈپٹی کمشنر اٹک راؤعاطف رضا تھے۔تقریب میں ایڈیشنل ڈپٹی کمشنر جنرل انیل سعید ایڈیشنل ڈپٹی کمشنر ریونیو وقاص اسلم مارتھ اسسٹنٹ کمشنر شگفتہ جبیں  ڈویڑنل فارسٹ آفیسراشفاق بشیر اوردیگر افسران بھی موجود تھے۔ڈپٹی کمشنر اٹک نے پاکستان  پوائنٹ کا افتتاح کیا، اور پرچم کشائی کی گئی۔مختلف سکولوں کے طلباء  وطالبات نے ٹیبلوز پیش کئے۔کالا چٹا نیشنل پارک میں سائیکل ریس کا اہتمام بھی کیا گیا، پوزیشن ہولڈرز میں انعامات تقسیم کیے گئے۔ڈپٹی کمشنر اٹک نے کالا چٹا نیشنل پارک میں پاکستان پوائنٹ کے مقام پر پودا بھی لگایا۔