اسلام آباد (اپنے سٹاف رپورٹر سے)سابق سپیکر قومی اسمبلی اسد قیصر سے سندھ یونائیٹڈ پارٹی کے صدر زین شاہ نے وفد کے ہمراہ ملاقات کی ملاقات میں ملک کی موجودہ سیاسی صورتحال پر تفصیلی غور کیا گیا۔ ملاقات میں اس بات پر اتفاق کیا گیا کہ پاکستان کو موجودہ بحرانوں سے نکالنے کیلئے مشترکہ سیاسی جدوجہد واحد راستہ ہے۔ ملاقات میں سابق سپیکر قومی اسمبلی نے سندھ یونائٹڈ پارٹی کو باضابطہ تحریک تحفظ آئیں پاکستان میں شامل ہونے کی دعوت دی۔۔ ملاقات میں ممبر قومی اسمبلی شہرام ترکئی، اتحاد کے ترجمان اخوندزادہ حسین یوسفزئی، سندھ یونائٹڈ پارٹی کے رہنما مرکزی سینئر نائب صدر روشن علی برڑو، نائب صدر عارف نیاز آرائیں اور ڈپٹی سیکرٹری انعام بھٹی موجود تھے۔