ڈیرہ اسماعیل خان: بس اور ٹرالر میں خوفناک تصادم، 2 افراد جاں بحق اور 17 زخمی

ڈیرہ اسماعیل خان میں بنوں روڈ شورکوٹ کے قریب بس اور ٹرالر میں تصادم سے 2 افراد جاں بحق اور 17 زخمی ہوگئے۔ ریسکیو 1122 کے مطابق ڈی آئی خان میں بنوں روڈ پر بس میں سوار تمام مسافر پاڑہ چنار سے زواری کی نیت سے براستہ بلوچستان ایران و عراق کی جانب روانہ تھے کہ مخالف سمت سے آنے والے ٹرالر سے تصادم کے باعث حادثہ پیش آگیا۔حادثے کے نتیجے میں 2 افراد جاں بحق اور 17 زخمی ہوگئے جبکہ لاشوں اور زخمیوں کو ڈسٹرکٹ ہیڈ کوارٹر اسپتال منتقل کردیا گیا۔