قائداعظم گالف چیمپئن شپ کا ٹائٹل محمد منیر نے جیت لیا

لاہور(سپورٹس رپورٹر) تیسری قائد اعظم گالف چیمپیئن شپ کا ٹائٹل محمد منیر نے جیت لیا۔ چیمپیئن شپ کے آخری روز محمد منیر اور شفیق مسیح کے درمیان دلچسپ مقابلہ دیکھنے میں آیا۔ دونوں گالفرز کا سکور 208 رہا تاہم میچ کا فیصلہ آخری 18 ویں ہول پر ہوا جس میں شفیق مسیح نے چانس ضائع کر دیا جس کا فائدہ محمد منیر کو ہوا۔ ایم شبیر اقبال 211 سکور کے ساتھ تیسرے، مہروز الیاس 216 سکور کے ساتھ چوتھے، شاہد حنیف اور ایم طارق 216 سکور کے ساتھ پانچویں اور چھٹے نمبر پر رہے۔