کراچی (اے پی اے )کراچی ایکسپو سینٹر میں جاری تین روزہ بھارتی سنگل کنٹری نمائش اختتا م پذیر ہو گئی  ۔تین روزہ سنگل کنٹری نمائش انڈین ایکسپورٹ آرگنائزیشن اور کراچی چیمبر آف کامرس کے تعاون سے  کی گئی تھی۔ انڈیا ایکسپو نمائش میں 50سے زائد سٹالز لگائے گئے بھارت کے بڑے برانڈز کی مصنوعات کے اسٹالز میں جیولری،ٹیکسٹائل اور دیگر آئٹم رکھے گئے۔ انڈیا ایکسپو میں اسٹال ہولڈروں کو کراچی چیمبر کی جانب سے جون میں ہونے والی مائی کراچی نمائش میں شرکت کی بھی دعوت دی گئی تھی ۔ بھارت کے ٹریڈ انڈسٹری کے نمائندوں کا کہنا تھا کہ دونوں ممالک کے درمیان تجارت ضروری ہے اب وقت آگیا ہے کہ تجارتی مسائل اوررکاوٹیں دورکرکے آگے بڑھا جائے۔