لاہور (سپورٹس رپورٹر) 15 سائیڈ رگبی لیگ کے میچ میں اسلام آباد جنز نے ڈی ایچ اے وائلڈ بیئرز کو 47-5 سے شکست دے کر دوسری پوزیشن حاصل کرلی۔ پنجاب سٹیڈیم میں کھیلے گئے میچ میں اسلام آباد جنز نے ڈی ایچ اے وائلڈ بیرز کے خلاف جاندار کھیل پیش کیا ۔ پہلے ہاف کے اختتام پر سکور 25 اسلام آباد جنز اور 0 ڈی ایچ اے وائلڈ بیئرز تھا۔ دوسرے ہاف میں ڈی ایچ اے کے کھلاڑیوں نے کافی جان ماری مگر میچ نہ جیت سکے۔ اسلام آباد کی طرف سے حماد نے دو، ذیشان، سعد، بلال بٹ اور راحیل نے ایک ایک ٹرائی سکور کی۔ ڈی ایچ اے کی طرف سے واحد ٹرائی وسیم نے سکور کی۔ 25 دسمبر کو پریمیئر رگبی لیگ کا آخری میچ کھیلا جائے گا۔