بدوملہی (نامہ نگار)موٹرسائیکل لینٹر والی مشین کے ساتھ ٹکرانے سے میاں بیوی جاں بحق ہو گئے۔وارث علی اپنی اہلیہ کے ساتھ بدوملہی سے موٹرسائیکل پر نارووال سے بدوملہی آ رہا تھا کہ لاہور نارووال نیو روڈ پر تھڑپال کے قریب سامنے سے آنے والی لینٹر والی مشین سے ٹکر ہو گئی جس کے باعث ثناء موقع پرہی دم توڑ گئی جبکہ وارث شدید زخمی ہوگیاجس کو فوری طور پر طبی امداد کے لیے ڈسٹرکٹ ہیڈ کواٹر ہسپتال نارووال منتقل کیا گیا مگر حالت تشویش ناک ہونے کی وجہ سے وارث کو لاہور ریفر کردیا گیا مگر لاہورہسپتال پہنچے سے قبل ہی شدید زخموں تاب نہ لاتے ہوئے جان کی بازی ہار گیا۔واضح رہے کل وارث کی ہمشیرہ کی شادی تھی جس سے شادی والے گھر میں صف ماتم بچھ گئی۔