لاہور (سٹاف رپورٹر) ڈاکوئوں اور چورورں نے شہریوں کو لاکھوں روپے مالیت کی نقدی، زیورات و قیمتی سامان سے محروم کر دیا۔ڈاکوئوں نے تھانہ فیکٹری ایریا کے علاقہ میں جمشید سے 7لاکھ روپے ، موبائل، تھانہ شمالی چھائونی کے علاقہ میں شاہد اس کی فیملی سے 6لاکھ 30ہزار روپے مالیت کی نقدی و موبائل ، تھانہ شیر کوٹ کے علاقہ میں مبارک سے 12لاکھ 40ہزار روپے مالیت کی نقدی و موبائل ، تھانہ مصری شاہ کے علاقہ میں ناصر کی فیملی سے 5لاکھ 80ہزار روپے مالیت کی نقدی و زیورات، تھانہ شاد باغ کے علاقہ میں ہارون کی فیملی سے 9لاکھ 60ہزارو روپے مالیت کی نقدی و زیورات ، تھانہ غازی آباد کے علاقہ میں عرفان سے 7لاکھ 90ہزار روپے مالیت کی نقدی و زیورات ، تھانہ باٹا پور کے علاقہ میں عابد سے 4لاکھ روپے سے مالیت کی نقدی و موبائل، تھانہ مغل پورہ کے علاقہ میں جاوید کی فیملی سے 3لاکھ روپے مالیت کی نقدی و موبائل لوٹ لیا گیا ، اسلام پورہ ، اقبال ٹائون ، سمن آباد کے علاقہ سے گاڑیاں گلشن راوی، ملت پارک، گجر پورہ ، باغبانپورہ کے علاقوں سے موٹرسائیکلیں چوری کرلیں ۔