لاہور (سٹاف رپورٹر) آئی جی پنجاب امجد جاوید سلیمی نے چار پولیس افسروں کے تقرر و تبادلے کے احکامات جاری کئے ہیں۔ ایڈیشنل ایس پی ٹیلی کمیونی کیشن پنجاب شائستہ ندیم کو ڈی پی او بھکر تعینات کردیا گیا ہے جبکہ ڈی پی او بھکر عرفان طارق کو سنٹرل پولیس آفس رپورٹ کرنے کے احکامات جاری کئے گئے ہیں۔ اسی طرح ایس پی، آئی آئی بی شیخوپورہ ریجن محمد نوید کو ڈی پی او ننکانہ صاحب تعینات کردیا گیا ہے جبکہ ڈی پی او ننکانہ اسماعیل الرحمن کو ایس پی، آر آئی بی شیخوپورہ ریجن کی آسامی پر تعینات کیا گیا ہے۔